[A:81b]bya rgyud rig pa mchog gi rgyud/ legs grub/ dpung bzang / gsang ba spyi rgyud/ bsam gtan phyi ma'i rgyud sogs 'grel pa yan lag dang bcas pa/ spyod rgyud la rnam snang mngon byang 'grel pa phran dang bcas pa/ yo ga la de nyid 'dus pa'i rgyud 'grel bcas/ dpal mchog dang po'i rgyud/ rdo rje rtse mo sogs 'grel pa dang bcas pa mang po dang / bla med la 'dus pa mi bskyod pa'i dbang / dgongs 'grel gyi bstan bcos sgron gsal/ mdo bsre/ mdo byas/ rim lnga spyod bsdus/ bdag byin gyis rlabs pa'i rim pa/ sems kyi sgrib sbyong / dkyil chog nyi shu pa/ zla grags kyi rdo rje sems dpa'i sgrub thabs sogs 'dus pa 'phags skor gyi gzhung gdams ngag dang bcas pa mang po zhig dang / ye shes zhabs lugs kyi sgrub thabs kun bzang 'grel pa gsum dang bcas pa sogs 'dus pa lugs gnyis kyi gdams pa phal cher ba gsan pa yin la/ de nyid kyis gnam kha'ub pa rdo rje bdud 'joms la/ des rje btsun rin po che grags pa rgyal mtshan la gnang ba yin la/ yang lo rgyus kyi yi ge 'ga' zhig las/ sa chen gyis slob dpon rin po che la gnang / des rje btsun la gnang ba yin gsungs nas/ rdo rje bdud 'joms ma bgrangs pa yang yod la/ gang ltar rje btsun rin po che nas bdag nyid chen po sa skya paNDi ta kun dga' rgyal mtshan/ bla chen 'phags pa/ zhang dkon mchog dpal/ brag phug pa bsod nams dpal/ brag phug pa blo brtan/ bla ma dpal ldan tshul khrims/ grub chen buddha shrI/ ngor chen kun dga' bzang po sogs kyi bar du brgyud nas de man chad gong mar