[A:93a]lugs de ji ltar dar ba'i tshul bstan zin pa ste/ bod yul du 'dus pa 'phags skor ji ltar byung tshul legs par bshad zin pa yin la/ gnyis pa ye shes zhabs lugs sogs lugs gzhan bstan pa la yang / ye shes zhabs lugs kyi brgyud rim smos te de nyid ji ltar dar ba'i tshul dang / jo bo'i lugs kyi brgyud rim smos te de nyid ji ltar dar ba'i tshul dang gnyis las/ dang po ni/ bod 'dir thog mar lo chen rin chen bzang pos/ paNDi ta shaddha ka ra warma la zhus pa'i gsang 'dus 'jam rdor gyi dbang sogs dang / de'i rjes su gnyos lo tsA ba yon tan grags kyis paNDi ta ba liM ta A tsArYa la zhus pa'i gsang ba 'dus pa 'jam pa'i rdo rje'i bshad srol bzang po byung ba de nyid dang / rwa lo tsA ba rdo rje grags kyis ngo bo puNya shrI la zhus pa'i 'jam pa'i rdo rje lha bcu dgu'i dbang dang / gnyan lo tsA ba dar ma grags kyis bla ma paN dha pa la zhus pa'i dbang sogs mang du byung ba yin yang / deng sang bka' ma nub cing dar rgyas yod pa ni gnyan lo nas brgyud pa 'di nyid de/ de yang gnyan lo chen po des 'phags yul du byon nas ri sul gyi rnal 'byor ma dang / bla ma paN dha ba sogs bla ma mang du bsten/ mdo sngags kyi chos tshul bsam gyis mi khyab zhig dang / khyad par gsang ba 'dus pa ye shes zhabs lugs kyi dbang dang gdams pa mang po zhig dang / 'dus pa'i chos skyong gnyan mgon chen po zhal bzhi pa'i chos skor yongs su rdzogs pa ma tshang ba med par spyan drangs kha'u pa chos kyi rgyal mtshan sogs la gnang / de'i drung du rje btsun phyag na padmo'i sprul pa brtse