[A:92b]brlabs pa'i rims pa bsgom pa la dbang / dbang bzhi pa thob nas 'od gsal dang zung 'jug gi rim pa bsgom pa la dbang bar gsungs pas snga phyi gnyis phyag len dang tshig rigs mi 'dra ba ni mdor bsdus na de dag yin no/ /lugs snga ma 'dis chog bsgrigs gsal bar ston pa la/ rong tshe dbang grags kyis mdzad pa'i dkyil chog dang rdog ArYa de bas mdzad pa'i dkyil chog yod par bshad cing / phyi ma 'di lag tu blang ba'i cho ga ni bla ma 'phags pas mdzad pa'i dkyil chog dang / phyis su ngor chen thams cad mkhyen pa kun dga' bzang pos mdzad pa'i dkyil chog ye shes rgya mtsho sogs dang / de nyid gzhir bzhag gi phyag len phra mo tshun kyang zhib tu bkod pa'i snyigs dus bstan pa'i nyi ma sngags 'chang chos kyi rgyal po ngag dbang kun dga' rin chen gyis mdzad pa'i dkyil chog gzhan phan rgyas byed sogs du ma yod do/ /yang rang lugs kyi zin bris 'ga' zhig las/ bu ston rin po ches mdzad pa'i dkyil chog kyang gsar ma'i lugs kho na yin par bshad kyang / bu ston gyi 'di ni lugs snga phyi bsres pa zhig yin dgos sam snyam ste/ bu ston la 'phags 'od kyis 'gos lugs kyi dbang sogs dbang bka' bdun po gcig tu bsres pa'i dbang rgyas pa zhig gnang nas brgyud pa 'dren pa na lugs srol bdun ka'i brgyud pa 'dren par mdzad nas dbang bdun kar bsres pas na/ dkyil chog kyang tshul de bzhin du rtsom par rigs pas so snyam mo/ /des na bu ston gyi dkyil chog 'di sa lugs gtsang ma yin min brtag dgos so/ /de rnams kyis sa lugs kyi bla ma brgyud pa'i rnam thar bstan pa'i sgo nas