[A:14b]mar byed dgos te/ klu sgrub kyi dngos slob sgra gcan 'dzin dpal bshes gnyen gyi zung 'jug gsal bar/ ye shes phab tshul klu byang gi dkyil chog la kha 'phangs shing / phreng ba'i stod smad mang por lung drangs pa dang / kha che paN chen sogs kyis tshad mar byas pas so/ /dkyil chog snga ma de dang por 'phags pas chung se ba zhig mdzad pa la/ dus phyis mchan dkyus su shor ba'am/ 'phags pa'i gsung rgyun bla ma gzhan zhig gis bris pa la lhad zhugs par 'dug go /de ltar na yang de'i dbang chog de 'phags lugs kyi bka' yang dag yin te/ gzhung der thun mong gi dbang dgu sogs legs par byung ba dang / 'gos kyi stong thun du yang lung drangs pas so zhes bshad la/ de dag la rang gi blos legs par brtags nas 'thad mi 'thad kyi rnam dbye cung zad phye na 'di ltar shar te/ bu ston rin po che'i gsung de ltar na klu sgrub kyis mdzad par grags pa tsam ma gtogs slob dpon gyis mdzad pa gtan nas min gsungs par snang bas/ des na 'phags pas gsang ba 'dus pa'i dkyil chog nyi shu pa bya ba gtan nas ma mdzad pa zhig bzhed dam/ 'di min pa'i gzhan zhig yod par bzhed/ dang po ltar na 'gos lo sogs gsang ba 'dus pa'i srol 'byed tshad ldan du ma dang 'gal te/ 'gos lo sogs snga rabs pa rnams kyis dkyil chog de nyid 'phags pas mdzad par bzhed cing / de la brten nas bskur ba'i dbang bka' de 'phags lugs kyi bka' rnam dag tu bzhed pa'i phyir te/ dkyil chog de nas