[A:25b]la 'gos rdog pa nas brgyud pa'i gsang 'dus rnying ma dang / kha che paN chen nas chos rje sa paN la bka' babs pa'i gsang 'dus gsar mar grags pa gnyis las/ phyi ma 'di la gsar ma zer ba'i rgyu mtshan yang / kha che'i paNDi ta chen po shAkya shrI bha dra bod du phebs pa la bdag nyid chen po sa skya paNDi ta chen pos mdo sngags rig gnas dang bcas pa dang / khyad par dus kyi 'khor lo dang / gsang ba 'dus pa'i rgyud sgrub thabs gdams pa kun cha tshang bar gsan/ de'i tshe lo paN khyad par can de gnyis kyis klu byang gi dkyil chog nyi shu pa dang / sgra gcan 'dzin dpal bshes gnyen gyis mdzad pa'i dkyil chog zung 'jug gsal ba gnyis gsar du bsgyur/ de phyin chad nas sngar gyi dbang la dbang bka' rnying pa dang / kha che paN chen gyi dkyil chog nyi shu pa klu byang gis mdzad pa'i steng nas bskur ba'i dbang bka' gsar mar tha snyad bzhag go /yang phyis su bu ston rin po che thams cad mkhyen pas 'dus pa'i bstan pa dar bar bzhed de kun mkhyen 'phags 'od la dka' ba dpag tu med pa zhig gi sgo nas gsang 'dus gsan pas/ 'phags 'od kyis gsang 'dus brgyud pa'i lugs srol so so'i phyag len thams cad 'dus pa'i dbang bka' rgyas pa gcig dang / rim lnga'i khrid dang rgyud kyi bshad bka' sogs mtha' dag gnang / bu ston gyis bstan pa'i khur chen po bzhes te 'chad nyan rtsal du ston pas gsang ba 'dus pa'i bstan pa mi nub pa'i srog shing lta bur gyur te/ gsang ba 'dus pa skor la yig cha yang / 'og tu rgyas par 'chad pa ltar/ gsang 'dus rgyud kyi 'chad thabs gsang ba'i sgo 'byed/ khrid yig nor