[A:33a]nas de na re/ bdag gi mchod gnas su lo gsum tha na'ang bzhugs dgos zer nas gtong du ma 'dod par/ de'i ngor lo gsum bzhugs pa'i tshe/ rgyal po'i btsun mo dang sras mo sogs slob dpon yab sras la yid chags te rnam pa du mas btegs kyang thugs ma g.yos te spyan tsam yang ma gzigs pas/ de dag ma dga' nas rgyal po dang gnyis kyi bar du phra ma du ma byas kyang rgyal pos ma gsan/ der lo gcig song ba na rgyal po la sras gcig byung ba slob dpon 'dra ba gcig byung ba dang / 'jig rten pa rnams kyis 'phyas par gyur te/ de'i tshe slob dpon ArYa de bas grong khyer de'i nye logs ma he mang po 'du ba'i klung zhig tu shog 'dam la ma he dkar zal shin tu mdzes pa zhig byas so/ /de'i tshe ma he mo thams cad de la blta zhing 'khor ba zhig byung ngo / /de'i phyis ma he'i phru gu thams cad de 'dra bar skyes pa dang / 'jig rten pa'i skur ba rnams kyang bsangs so/ /de nas dpal gyi ri la gshegs/ bram ze chen po la bdud rtsi bum pa phul bas/ khyod bdud rtsi la dga' na ngas rgya mtsho 'di yang bdud rtsir bsgyur bar bya'o gsungs nas skad cig la rgya mtsho yang bdud rtsir byas so/ /de nas slob dpon yab sras dpal gyi ri la sgrub pa mdzad cing bzhugs pa'i tshe/ sngar gyi rgyal po'i bu de la mas gos rin po che zhig byin pas/ bu na re/ gos 'di bdag rgyal srid bzung ba'i tshe bgo bar bya zhes smras pas/ mas khyod kyi pha slob dpon klu sgrub dang tshe mnyam pa'i bcud len grub pas slob dpon ma