[A:36a]slob dpon chen po de la slob ma'i mchog thugs sras bzhi/ nye sras gsum rnams su yod pa las/ thugs sras bzhi ni/ 'jam dpal zhal mthong shAkya mi tra/ sgrol ma'i zhal gzigs na ga bo dhi/ sa brgyad non pa arYa de wa/ spyan gzigs zhal mthong ma tang gi pa'o/ /nye sras gsum ni/ sangs rgyas bskyang / legs ldan 'byed/ slob dpon dpa' bo dang gsum mo/ /yang sras kyi thu bo bzhi zhes pa'i tha snyad byas nas/ sngar gyi shAkya bshes gnyen/ 'phags pa lha/ klu'i byang chub dang gsum gyi steng du zla ba grags pa dang bzhi'o zhes 'ga' zhig las 'byung la/ gzhan yang rgyal sras zhi ba lha/ sha ba rI dbang phyug nag po pa sogs bsam gyis mi khyab ba byung ngo / /yang nye gnas gsum la ArYa de ba/ na ga bo dhi/ zhi ba lha dang gsum bgrangs pa yang 'ga' zhig las 'byung / de rnams kyi nang nas dpal ldan zla ba grags pa klu sgrub kyi dngos slob yin min la mi mthun pa mang bas 'di'i dpyad pa 'og zla grags kyi rnam thar 'chad pa'i tshe 'byung la/ de ltar 'phags pa klu sgrub la slob ma'i mchog mang du yod pa'i nang nas slob dpon ArYa de wa ni ston pa zhal bzhugs pa'i dus su sangs rgyas 'dus pa'i 'khor la chos gsung pa'i tshe bya rog cig gis ston pa'i dbu la bya thal dor te song ngo / /der 'khor rnams the tshom skyes te/ 'di ci'i ltas lags zhus pas/ bcom ldan 'das kyi zhal nas/ bya rog 'di ma 'ongs pa'i dus su mu stegs kyi paNDi ta rta dbyangs zhes bya bar gyur nas sangs rgyas kyi