[A:38a]rnams kyang bsreg dgos/ de'i dpang po rgyal po la 'chol ba yin pas dus thob cig byas pas/ der nang pa rnams gros byas te/ 'di mdo nas bstan pa nyams par byed par lung bstan pa yang yin zhing / rgya gar shar dang lho'i nang pa thams cad pham par byas 'dug pas/ 'o cag gis mi thub dpal gyi ri nas slob dpon klu sgrub yab sras spyan 'dren pa rigs zer/ de'i bar la re zhig long yod par gyis shig de nas zhag sum cu na rtsod par bya yi zhes dus btab/ der khos kyang gzhan zhig sbron par shes te/ re zhig khyed dang rtsod pa byed kyi/ phyi rol na yod pa nang du ma 'gro/ nang na yod pa phyir ma ldang zer zhing kho sgo la nyal nas phyi nang gi 'grul bcad do/ /dge 'dun rnams gdugs tshod gsol ba'i bar la mgo la dbyu gus brdeg cing grangs byed do/ /der dge 'dun rnams kyis slob dpon yab sras spyan 'dren pa la mi phyin kyang dus la mi sleb/ chos skyong mgon po la gsol ba gdab bo zhes gros byas nas zhu 'bul gyi 'phrin yig 'di ltar te/ shin tu khur dka' khur gyis lus dub khyu mchog rnams ni khyod la gsol 'debs na/ /kye ma rma med nyid du rol pa 'ba' zhig gis ni rab tu 'khrug byed dam/ /'di na nus ldan gzhan med 'khor lo bying ba can gyi shing rta myur du drongs/ /lta zhing 'dug gam yun ring gnas kyang 'di ni khyod kyi khur yin phrag la longs/ /zhes pa bris te gtor ma'i steng du bzhag nas mgon po la gsol ba btab pas/ bya rog gcig byung ste