[A:40b]zhugs nas rgyu 'bras ston pa'i bstan bcos brtsams na sdig pa ches cher 'dag go zhes pa'i lung bstan byung pas/ mdo dran pa nyer bzhag sogs bltas te rgyu 'bras ston pa'i bstan bcos dge ba bcu dang / rtsa ltung bcu bzhi pa dang / bla ma lnga bcu pa rnams brtsams/ zhes bu ston gyi gsang 'dus rgyud kyi bshad thabs gsang ba'i sgo 'byed las bshad do/ /rang lugs ni rtsa ltung bcu bzhi pa dang / bla ma lnga bcu pa gnyis 'dis mdzad par mi bzhed la/ gang ltar de lta bu'i mu stegs rta dbyangs de phyis su slob dpon dpa' bo zhes bya bar gyur cing / 'di la pha khol zhes pa dang / ma khol zhes pa dang / ma ti tsi trar yang grags/ des rdzogs pa'i sangs rgyas kyi skyes rabs sogs bstan bcos mang du mdzad/ 'phags pa yab sras la dbang dang gdams pa sogs nos thugs nyams su bzhes pas tshe 'di la phyag rgya chen po mchog gi dngos grub brnyes so/ /de lta bu'i slob dpon 'phags pa lha de ni rgyud du ma nas lung bstan te/ 'jam dpal rtsa rgyud las/ gzhan yang rab byung dam pa ni/ /singga la yi gnas na gnas/ /'phags pa min la 'phags pa'i ming / /pha rol rgol ba bzlog nas ni/ /mu stegs rnams kyi sngags sun phyung / /zhes pa dang / dus 'khor rgyud phyi ma las/ dge bcu'i lam gyi grub par gyur pa 'phags pa'i lha/ /zhes gsungs pas so/ /slob dpon des pha rol phyin pa'i bstan bcos dbu ma bzhi brgya pa/ dbu ma lag pa'i tshad/ 'khrul pa bzlog pa'i gtan tshig