[A:41a]grub pa/ ye shes snying po kun las btus la sogs pa mang du mdzad cing / sngags phyogs la ni gong du bstan pa rnams so/ /yang dpal 'phags pa klu sgrub kyi thugs sras bzhi'i nang tshan grub chen klu'i byang chub ni sngar slob dpon klu sgrub li kha ra shing 'phel du gser 'gyur mdzad dus rgan rgon gnyis slob dpon la dad pa skyes/ rgan pos slob dpon gyi nye gnas byas pas rgan po shi nas ma he skyong ba'i bu zhig tu skyes/ cher longs pa na ma he 'tsho bar phyin pas sngar gyi bag chags dran te slob dpon gyi drung du phyin te/ grub pa nga skyo bas sgom zhig slobs dang zer/ slob dpon gyis ma he sgoms gsungs nas btang pas/ des kyang slob dpon gsungs pa bzhin ma he bsgoms pas/ shin tu gsal ba byung / re zhig na slob dpon gyi drung du 'ongs nas/ da nga'i rwa 'di sgo la gtugs kyin mi bde zer ba na/ yang slob dpon gyis/ da sgom de dor la mdun du mi dkar po zhig sgoms gsungs pas/ yang de bzhin bsgoms pas de gsal bar byung nas dngos grub ci 'dod zer/ grub pa la dri yi byas nas/ slob dpon gyi drung du phyin te 'di ltar byung bas ci skad bya zer/ slob dpon gyis khyed rang nga'i snying la zhugs gyis shig gsungs/ de bzhin byas pas zhugs pa'i snang ba byung ste chos la chos kyi spyan rnam par dag de nas rab tu byung bsnyen par rdzogs/ mtshan klu'i byang chub bam klu'i blor btags/ dpal gsang ba 'dus pa'i dkyil 'khor du bcug dbang bskur/ rgyud bshad/ gdams pa dang rjes su bstan pa ma lus