[A:43a]kyis sa the btsugs te/ 'phags pa la nye ring mnga' 'am/ khong la zhal ston pa ltar bdag la yang bstan du gsol zhes gsol ba btab pas/ mtshan mo rmi lam du byon te/ khyod 'jam dpal gyi byin gyis brlabs pa'i mkhas pa chen po yin pas/ ngas byin gyis rlob mi dgos/ tsandra go mi la cung zad byin gyis brlabs pa yin gyi/ de skad ma zer bar song gsungs/ gnyid sad tshe/ de ltar lags kyang zhal ston pa zhu zhus pas/ spyan ras gzigs kyis zhal mngon sum du bstan pa dang / zla bas da bdag gi spyi gtsug tu bzhugs la sems can thams cad kyis mthong bar mdzod cig ces gsol bas/ ngas sems can thams cad kyi drung du song yang / de rnams las kyi sgrib pas mthong bar mi 'gyur gsungs/ cis kyang bzhugs shig ces gsol te 'phags pa 'jig rten dbang phyug spyi bor khyer nas grong khyer chen po rnams su/ bdag gi spyi bo na 'phags pa spyan ras gzigs bzhugs so/ /thams cad kyis phyag dang mchod pa gyis shig ces bsgrags pa dang / la las ni gcig kyang ma mthong / la las khyi ro gcig mthong / phal che bas chos mang po bshad pas rlung smyo yin zer/ chang 'tshong ma zhig gis zhabs tsam mthong bas kyang thun mong gi dngos grub thob ces grag go /de lta bu'i slob dpon des kun rdzob kyi snang ba thams cad brdzun par mnyam gsungs pas/ paNDi ta rnams na re/ 'o na dngos po'i ba la 'o ma 'byung ba ltar/ ri mo'i ba la yang 'o ma 'byung ngam zer ba la/ 'byung gsungs te ri mo'i ba las 'o ma bzhos pas byung / gtsug lag khang gi rdo'i ka ba 'di stong pa yin nam zer ba la yin