[A:43b]gsungs nas rdo'i ka la phyag brgyab pas thogs pa med par thal byung du mdzad pa sogs yod tan dpag tu med pa mnga' ste/ tshig gsal dang / 'jug pa'i gsham du slob dpon zla ba grags pa mi 'phrogs pa'i mkhyen rab dang thugs rje mnga' ba/ ri mor bris pa'i ba drus ma las 'o ma bzhos pas bden par zhen pa zlog par mdzad pa zhes sogs gsungs pas so/ /'o na slob dpon zla ba grags pa 'di klu sgrub kyi dngos slob yin nam snyam na/ 'di la mkhas pa so so'i bzhed pa dgod pa dang / rang lugs 'thad phyogs ngos bzung ba dang gnyis las/ dang po ni/ jo bo rje'i gsung las/ klu sgrub slob ma zla grags yin/ /de las brgyud pa'i man ngag yod/ /ces gsungs pa shes byed du byas nas bka' gdams pa rnams dngos slob yin par 'chad/ de bzhin du bu ston rin po ches gsang 'dus rgyud kyi bshad thabs gsang ba'i sgo 'byed las/ slob dpon de klu sgrub kyi dngos slob min zer ba ni mi 'thad de jo bos mdzad pa'i bden gnyis las/ klu sgrub slob ma zla grags yin/ /de las brgyud pa'i man ngag yod/ /ces pa dang / slob dpon klu sgrub kyis kyang / slob ma'i tha ma zla grags la/ /chos kyi tha ma skye med bstan/ /zhes gsungs pas so zhes gsungs nas/ zla grags dngos slob yin par bzhed/ chos rje ri bo dge ldan pa'i dngos slob yin te/ zla grags tshe'i rig 'dzin brnyes pa'i phyir zhes zer/ mkhas pa'i dbang po mang thos klu sgrub rgya mtshos gtan tshigs chos 'byung lhag bsam rab dkar las/ kho bo ni zla grags klu sgrub kyi zhabs zin yin par sems te/ gsang