[A:45b]bkod pa de dag dang / yang chos 'byung lhag bsam rab dkar kyi bstan pa phyi dar gyi skabs na/ 'on kyang rig pa'i khu byug zla grags kyi zhabs zin yin la/ a ti sha rig pa'i khu byug gi dngos slob yin zhing / nag tshos jo bo spyan 'dren la phyin pa'i tshe yang / rig pa'i khu byug bzhugs par rnam thar dang lam yig dag na gsal bas/ de dag gi lo grangs brtsis na mi 'grigs pa ltar snang ste/ zhes sogs gsungs nas/ des na kho bos lung rig gi legs bshad sngar bshad pa ltar/ klu sgrub kyis lo drug brgya las ches lhag pa zhig bzhugs pa'am/ yang na dag pa'i snang ba kho nas zhal mjal ba gang rung las ma 'das par khas blang par bya ste/ chos kyi rjes su 'brang pa'i rnam dpyod kyi dpyad pa las de kho na ltar mthong ba'i phyir ro zhes gsungs pa de dag la brtags na/ sgron gsal sogs kyi lung drangs nas/ zla grags kyi dngos slob yin par bsgrub pa mdzad pa ni mkhas pas dpyad dgos pa'i legs bshad du snang na yang / de'i rjes su zla grags klu sgrub kyi zhabs zin yin na/ rig pa'i khu byug zla grags kyi zhabs zin yin pa dang / jo bo rje rig pa'i khu byug gi dngos slob yin pa rnams dus mi 'grig tshul gsungs pa rnams la dpyad pa 'di ltar 'jug ste/ zla grags klu sgrub kyi zhabs zin yin pa'i kha tshon ni mkhas pa'i dbang po nyid kyis bcad zin/ zla grags kyi zhabs rig pa'i khu byug gis zin par ni chos 'byung du ma nas bshad cing yongs su grags pas 'di la snyon du med la/ jo bo chen po rig pa'i khu byug gi slob ma yin par rnam thar dang / nag tshos