[A:51a]'dir mdzad pa bcu gnyis la sogs pa'i tshul ma bstan gyi gong rol tu legs par gsungs pa yin par mkha' 'gro rgya mtsho sogs las bshad de rgyas par logs su 'chad do/ /khyad par du ston pa 'di 'dzam bu'i gling du sangs rgyas pa'i tshul bstan nas/ thog mar theg pa gsum gyi chos kyi 'khor lo bskor ba'i rjes su gdul bya chags bral gyi lam gyis 'dul bar mi nus pa rnams kyi don du gnas 'bras spungs kyi ri la sogs par gsang sngags rdo rje theg pa'i rgyud sde bsdus pa 'ga' zhig dang / gzhan yang dges rdor gyi rgyud sogs bsam gyis mi khyab pa zhig shAkya thub pa de nyid kyis kyai rdo rje'i rnam pa la sogs par bsgyur nas gsungs pa yin te/ ji skad du/ 'dren pa'i theg pa gsum po dag /bcom ldan nges par gsungs lags na/ /rgyu 'bras lhun grub tu spyod cing / /sangs rgyas gzhan nas mi 'tshol ba'i/ /nges pa'i theg pa cis ma gsungs/ /zhes zhus pa'i lan du/ rgyu la mos pa rgyu chos kyi/ /'khor lo rab tu bskor byas nas/ /rdo rje theg pa'i nye lam zhig /ma 'ongs dus na 'byung bar 'gyur/ /zhes dang / de dang mthun par rgyud sde spyi rnam las 'gal spongs dang bcas gsungs pa'i don bsdus nas/ thams cad mkhyen pa dkon mchog lhun grub kyis/ gsang rgyud mtha' dag grub pa'i gdul bya la/ /sprul sku mchog gis sngon du gsungs zin kyang / /de nyid 'dus dang bde mchog ma gtogs pa/ /phal cher shAkya thub pa rang nyid dang / /de yi rnam 'phrul gzhan gyis bsdus te gsungs/ /zhes