[A:54b]gi sgo nas 'jog gi brjod bya rgyas bsdus kyi sgo nas ni ma yin te/ rgyud rgyas pa rnams kyi brjod bya yang bsdus pa'i nang du tshang bar bzhugs pas so/ /'o na de rnams la rtsa rgyud ces gsungs pa'i rgyu mtshan gang yin snyam na/ rgyud sde spyi rnam gyi don bsdus tshul gsum gsal rgyan las/ rgyud gang sngon byung bshad gzhi rtsa rgyud de/ /phyis byung 'chad byed rgyud rnams bshad rgyud yin/ /zhes gsungs pa ltar/ dang por byung zhing bshad pa'i gzhir gyur pa'i rgyud yin pas na rtsa rgyud ces bya la/ de la yang rtsa rgyud du mi mthun kyang don gyi 'jog tshul mi 'dra ba bzhi'i sgo nas rnam pa bzhir gsungs te/ phyi ma las kyang phyi ma ste/ /zhes pa ltar/ rgyud phyi ma shlau ka 'bum pa dang / phyi ma'i phyi ma tshig 'bum pa sogs 'byung ba'i gzhir gyur pa'i rtsa rgyud ni le'u 'bum pa lta bu ste/ rgyud phyi ma la ltos pa'i rtsa rgyud dang / yan lag gi rgyud bsam gyis mi khyab pa yod pa rnams kyi rten nam gzhir gyur pa/ rtsa rgyud rgyas 'bring bsdus gsum lta bu yan lag gi rgyud la ltos pa'i rtsa rgyud dang / yang bde mchog gi bshad rgyud du 'gro ba tsam sum cu rtsa gnyis la sogs pa yod par gsungs pa rnams kyis dgongs pa nges par 'grel pa'i gzhir gyur pa rtsa rgyud gsum ga lta bu ste/ bshad rgyud la ltos pa'i rtsa rgyud dang / thog mar gdul bya skal ba dang ldan pa rnams la don gsal zhing tshig rgyas pa/ bsdus rgyud bsdus pa'i gzhir gyur pa/ le'u 'bum pa dang / shlau ka 'bum pa gnyis lta bu bsdus rgyud la ltos pa'i rtsa rgyud dang rnam pa bzhir gsungs pa yin no/ /de ltar gsungs pa'i rtsa rgyud dang po gnyis