[A:66a]lam slong dgos zhus pas mar pa do pa bzhugs khri'i kha nas sku 'phar te/ chos 'di'i ming thos pa su med pa la/ khyod la sus bshad gsungs/ cog ros bdag la jo sras kyis gsungs zhus pas/ jo sras la spyan sdang mig tu gzigs te brkam chags can khyod kyi srog rtsa rdo rje pha lam la byas pa yin nam/ da tshe zhabs bcad zin kyang / phyis gdams pa'i rgyun mi chad pa'i rten 'brel tsam 'dug gsungs nas/ cog ro la gsungs rjes kho nar mar do lo tsA ba gshegs te/ gshegs rdzongs bsgrub ched du sras kyi klubs su byon pas/ chom pos mtshan brdungs byas sku la mtshon phul nas zhag bcu gcig nas gshegs pas rim bzhi lam slong 'di gnyan pa'i sgra rgyal khams thams cad du khyab/ de la brten nas phyis su sa skya pa'i dge ba'i bshes gnyen mang pos nag po rim bzhi gnyan cha che zer 'jigs 'jigs sgrog pa zhig byung na'ang / mus chen sems dpa' chen po'i rnam thar du gnyan cha che ba'i tshul zur tsam zhig gsungs pa ma gtogs sa skya pa rang lugs kyi nag po rim bzhi la gnyan cha che ba byung ba'i lo rgyus ni gsal po mi snang la/ gnyan cha che bar yongs su grags pa'i rgyu mtshan ni sngar gyi de'o/ /da lta ni mar do nas cog ro la brgyud pa'i rim bzhi'i rgyun ni med/ cog ros mdzad pa'i dpe ni ma nub par bzhugs so/ /pu hrang lo chung la slob brgyud dmar chos kyi rgyal mtshan/ grog ra ba dngos