[A:7a]rjes su 'brangs te sangs rgyas stong 'byon pa'i lugs dang gnyis tsam yod pa las/ dang po ni sngon byung ba 'das pa'i dus na 'jig rten gyi khams 'dir bskal pa chen po 'jig rten pa zhes bya ba la gling bzhi pa 'di nyid du 'khor los bsgyur ba'i rgyal po rtsibs kyi mu khyud ces bya ba byung ngo / /de la sras rgyal bu mig mi 'dzum pa sogs stong dang / rgyal phran brgyad khri bzhi stong dang bcas pa/ de'i mdun na 'don gyi gtso bo bram ze rgya mtsho'i rdul zhes bya ba sras brgyad cu dang / slob ma bram ze stong dang bcas pa zhig yod pa de'i sras bram ze rgya mtsho'i snying po zhes bya ba sangs rgyas pa'i mtshan rin chen snying po zhes par gyur/ de nas 'khor los bsgyur ba'i rgyal po rtsibs kyi mu khyud kyi zla ba gsum sangs rgyas de la bsnyen bkur byas shing / de nas de'i sras stong po de dag gis zla ba gsum gsum bsnyen bkur byas te lo nyis brgya dang zla ba gsum 'das pa na/ sangs rgyas de'i yab bram ze rgya mtsho'i rdul gyis lo bdun bsnyen bkur byas chos mnyan cing rmi lam brtags pas/ rgyal po rtsibs kyi mu khyud de stag la sogs pa'i gcan gzan gdug pa can srog chags kyis bsad par gyur pa dang / blon po kha cig shing rta bde ba la bzhon nas lam gol par 'gro ba rmis/ tshul de sangs rgyas la zhus pas/ rgyal po rgyal rigs la chags shing mi dge ba spyad pas phyi ma ngan song du skye ba dang / blon po de dag nyan rang du 'gyur bar lung bstan/ gzhan mang po sangs rgyas par lung bstan pa na/ bram ze rgya mtsho'i rdul gyis rgyal po la/ rgyal po chen po mir gyur pa yang rnyed dka'/ sangs rgyas