[A:9a]ze rgya mtsho'i rdul yang rab tu byung / lo nyis khri'i bar du tshangs par spyod pa byas so/ /de ltar snying rje padma dkar po nas 'byung ba'i rjes su 'brangs na bskal pa bzang po 'di la sangs rgyas stong dang lnga 'byung ba yin no/ /gnyis pa gsang ba bsam gyis mi khyab pa'i mdo'i rjes su 'brangs te stong 'byon pa'i tshul ni sngon byung ba 'das pa'i dus na bskal pa mdzes par snang ba la/ 'jig rten gyi khams rnam par rgyal ba zhes bya bar sangs rgyas ston mtha' yas rin chen sna tshogs bkod pa'i rgyal po zhes pa byung / de'i tshe pho brang rnam par dag pa can du 'khor los bsgyur ba'i rgyal po yul 'khor bsrung zhes bya ba btsun mo bdun 'bum dang / sras stong yod pa zhig byung ba des sangs rgyas dge slong gi dge 'dun dang bcas pa la lo bye bar bsnyen bkur te/ dge slong re re la yang g.yog gsum gsum phul zhing / rgyal bu de dag sangs rgyas 'byung ba brgya lam rnyed par 'gyur/ /mir skye ba yang shin tu dka' bas rnyed/ /grogs po gang dag dad dang chos nyan pa/ /'di 'dra bskal pa brgyar yang rnyed par dka'/ /zhes pa la sogs pa'i tshigs bcad 'don du bcug ste/ tsandan sbrul gyi snying po'i khang pa brtsegs pa'i nang du rgyal po sras dang btsun mor bcas pa bzhugs pa'i ring nas nam mkha' la byon te sangs rgyas kyi spyan sngar 'khod pa dang / bcom ldan 'das kyis/ rgyal po chen po dad pa 'di yongs su ma nyams na khyad par du 'gro bar 'gyur ba'o/ /zhes pa la sogs pa'i chos bstan pa nyan nas rang gi khyim du phyin pa dang /