[A:92b]mtshon pa'i chos gsungs pas/ de dag gis kyang mkha' spyod 'grub ste re zhig yul de stong par gyur to/ /de ltar yang bla ma rdo rje gdan pas/ til brdungs mchog gi dngos grub brnyes/ /bhaM ga la ru sangs rgyas mjal/ /ti lo pa zhes bya ba yi/ /bla ma de la phyag 'tshal lo/ /zhes kyang bstod do/ /des dbang bskur cing rgyud byin gyis brlabs pa ni rje btsun na ro ta pa ste/ 'di ni yab kha che ba yin kyang ma ga dhar 'khrungs te/ bram ze'i rigs la dkar nag brgyad brgyad bcu drug yod pa'i nang nas bzang shos na ro ta pa zhes bya ba'i rigs yin pas mtshan de ltar du grags/ de nas thog mar rig byed la sogs pa phyi rol pa'i lugs la sbyangs pas mkhas pa chen por gyur nas/ phyis bhri ka ma shrI la rab tu byung ste/ mtshan dznyA na siddhi ste ye shes grub ces bya bar grags/ de nas sde snod gsum dang rgyud sde bzhi la sbyangs pa mdzad pas rig pa'i gnas lnga la mkhas pa'i paNDi tar gyur nas na lendra na mkhas pa sgo drug yod pa'i byang sgo ba yin te/ de nas bshad nyan gyis 'gro ba'i don mdzad pa'i tshe thugs dgongs la bdag shes bya rig pa'i gnas la mkhas kyang rang gi sems ba 'jo ba'i nu ma 'then pa'i tshad tsam du yang mi gnas pas/ sems gnas pa'i gdams pa zhig 'tshol snyam gnas dben pa zhig tu rgyud kyi glegs bam kha phye nas gzigs rtog mdzad pa'i tshe/ grib ma zhig nag yor gyis byung ba su yin bltas pas/ bud med mi sdug pa'i mtshan bco brgyad yod pa 'jigs su