[A:110a]bka' bshad bka' kun bum pa gang byo'i tshul du gsan/ thugs sras kyi mchog tu mdzad de/ 'phags pa rin po che'i sku rim la bka' 'gyur la rdul dkrugs/ dam tshig dang ldan pa'i sgrub mchod/ dge 'dun sogs la sbyin gtong dgos pa zhig byung ba na/ chos rje 'phags pa nyid kyi gsung las/ gzhan rnams kyang ci 'grub gyis/ dam tshig can gyis sgrub mchod byed dgos zhang dkon mchog dpal byed du bcug pas chog gsungs dam tshig pa mchog tu bzung bar mdzad/ sa skya pa'i phyis kyi chos rgyud phal cher 'di la thug cing gtsang chos la bsre slad mi mdzad pas rgyud pa gtsang / chos brgyad kyi bya ba'i dri mi mnga'/ nyin mtshan khor yug du gzhan phan dang thugs dam gyis dus 'da'/ bskyed rdzogs kyi ting nge 'dzin brtan/ bsam pa shes pa'i mngon shes mnga' bas dus gsum sgrib med du gzigs/ dgung lo re brgyad bzhes pa'i tshe zhi bar gshegs/ gdung bzhus pa na/ de las 'jam dbyangs a ra pa tsa dang / spyan ras gzigs/ sgrol ma rnams kyi sku gzugs mthe bong tsam rang 'khrungs su byon/ phyis su bde mchog rje btsun sa skya pa'i yab chos kyi rgyud 'dzin la 'di las bka' drin che ba med par grags pa yin no/ /dam pa de nyid kyis dbang bskur cing rgyud byin gyis brlabs pa ni na bza' brag phug pa chen po bsod nams dpal ba ste/ 'di ni ston pa mya ngan las 'da' ba'i tshul bstan nas/ lo sum stong bzhi