[A:121a]sa chen sgyi chu ba dang kha'ub pa'i rab byung rigs mi rigs kyi bka' so sor phebs pa bzhin du gyur pas gnang dka' ba tsam byung / nyer gnyis pa'i tshe rje kun dga' dbang phyug glo bor lan rjes ma phebs pa'i tshe/ mkhan po de nyid dang / las slob yon tan chos rgyal/ gsang ston ra ston yon tan dpal bzang po rnams las bsnyen par rdzogs te thub bstan dar rgyas gling gi chos dpon chen por rje btsun kun dga' dbang phyug nyid kyis mnga' gsol bar mdzad/ mkhan slob de dag la snga phyir mdo rgyud kyi bcud mang du nod/ khyad par rje kun dga' dbang phyug la bde kye gsang gsum gyi rgyud man ngag sogs rje btsun sa skya pa'i chos tshul zab mo'i bdud rtsi ngom par gsol te/ yongs 'dzin kun gyi mchog tu bzung / de nas chos grwa chen po der gtso bor gdan phab/ der yod kyi 'dus pa'i tshogs la phar tshad sogs rgyu pha rol tu phyin pa dang 'brel ba'i chos kyi 'khor lo rgyun ma chad par bskor/ khyad par sdom gsum rab dbye nyid bshad gzhi'i gtso bor mdzad/ de las 'phros pa'i dri ba dang / de'i len 'don/ dka' 'grel/ tshig 'grel sogs rang gzhan gyi mkhas pa dag gi gsung rab mang po'i tshig dang don gyi gnas rjes su dpyad de/ rigs pa dang mi rigs pa'i tshul rnam par 'byed pa'i legs bshad kyi dga' ston zhib mo rnam dag dang / tshad ma'i gzhung lugs kun gyi gtso bo rigs gter gyi 'grel bshad rig pa ma lus pa la 'jug pa'i sgo zhes bya ba legs par