[A:125a]shu rtsa grangs kyi skabs rtse gdong du rdo rje phur ba gtso bor gyur pa'i nyams bzhes mdzad skabs/ sa bir zhal sprod/ rdo rje phur pa/ bla ma dam pa bsod nams rgyal mtshan rnams kyi zhal gzigs/ so gnyis pa'i tshe na lendrar gsung gi bdud rtsi stsal rjes gtsang phyogs la phebs pa'i yar lam srin po ri mjal dus srin po ri'i sku de bde mchog zhal bzhi phyag bcu gnyis par gzigs/ yang skabs shig mus bsam gtan phug tu rje 'dis lo gcig gi sgrub pa mdzad pa'i tshe bde mchog lha lnga/ rje btsun rin po che/ mus chen sangs rin birWa pa'i rnam par gzigs/ de dus gsung las/ rje sangs rgyas rin chen 'di dus kyi min pa/ sems dpa' chen po las kyang 'jigs pa 'dug gsungs/ dge sding mgon khang du gur mgon lcam dral/ las mkhan pu tra chen po dang bcas pa gzigs te 'phrin las 'bad med du bsgrub pa'i mtshan ma byung nas/ mgon po 'khor bcas kyi bstod pa dang / lha mo'i bskangs gso 'di yang de dus mdzad/ yang bse mgon gyi drung du thugs dam rgyun ring mdzad skabs shig sa bir gnyis kyis so so'i sku'i bkod pa drug gi ngo mtshar gyi gzigs snang bstan de gnyis ngo bo gcig tu rtogs/ byas 'gyur rdo rje'i brag rdzong du rje btsun rin po che dang rdo rje lha mo sogs gzigs/ lhag par 'ja' 'od kyi gur khang du chos rje sa skya paNDi tas 'dzum zhal bstan pas nyams 'phar te/ phyi rol tu sku