[A:126a]pa'i mtshan ma yang bstan/ de ltar nges don du mgon po 'jam pa'i dbyangs nyid gnas lnga rig pa'i paNDi ta'i tshul bzung bas na chos rje 'di'i mkhas pa'i yon tan ni 'di'o zhes so so skye bo dag gis nam yang brjod par mi spobs la/ btsun pa'i yon tan ni sdom pa gsum gyis bslab pa la nyes pa'i dri phra mos kyang ma gos shing / bzang po'i yon tan ni bdag nyid bgrang bar mi nus pa'i yon tan kun gyi rtser son kyang / mngon par khengs pa'i dri tsam yang mi mnga' bar thugs mchog tu zhi bas gzhan gyi khro bo la 'di'i sku mthong ba tsam gyis zhi 'gro ba zhig yin par 'dug go /de ltar mkhas btsun bzang gsum gyi yon tan dang ldan pa'i bdag nyid chen po de nyid kyis dgung lo bcu gcig nas zhe brgyad kyi bar du bstan pa rin po che'i bya ba 'ba' zhig mdzad de/ zhe dgu pa chu sbrul zla ba drug pa'i yar tshes bcu'i nyin gdan sa chen po'i bla brang rin chen sgang du zhi bar gshegs so/ /de la slob ma'i rnam grangs bgrang bar dka' ba zhig byon mod kyang / kun gyi gtsug rgyan dam par gyur pa ni sngags 'chang chos kyi rgyal po ngag dbang kun dga' rin chen bkra shis grags pa rgyal mtshan dpal bzang po ste/ bstan pa'i nyi ma chen po de nyid me mo glang lor bltams/ dgung lo bcu bdun gyi bar du sa lo chen po'i zhabs pad 'bral med du bsten/ gsung gi bdud rtsi ngom par gsol zhing bu gcig pa ltar bskyangs/ gzhan yang rje btsun mkhas pa'i dbang po dkon mchog lhun grub/ 'phags chen dpal ldan