[A:129b]zhig bdog pas de gnyis la bcol bas yong ba yod gsungs pas gdul bya'i snang ngor yang lam sna zin par yongs su grags shing / rim gnyis kyi nyams bzhes zab mo las skad cig kyang g.yel ba mi mnga' bas ting nge 'dzin gyi rtogs pa brtan cing mngon par mkhyen pa thogs med du mnga' ba'i grub pa'i dbang phyug chen po 'khor lo bde mchog gi chos skor 'di la bka' drin mchog tu che ba zhig yin no/ /de ltar kun mkhyen chen po dang / yongs 'dzin dkon mchog 'phel/ grub chen dkon blo dang gsum char gyis rjes su bzung zhing rgyud byin gyis brlabs pa ni 'jam dbyangs sangs rgyas rin chen te/ 'di ni mus chen sems dpa' chen po'i dbon po zhig gi sras yin zhing / chu mo bya lo mus stod gling skyar 'khrungs/ bcu gcig pa'i tshe sems dpa' chen po la dge tshul zhus gsung ngag lan gsum dang / bde mchog gsang 'dus sogs zab chos mang pos bdag blo'i bum pa gang bar mdzad/ kun mkhyen chen po'i drung du/ phar tshad 'dul ba sdom gsum sogs pa mang po la gsan sbyong dang / khyad par gsung ngag tshar gsum/ bde mchog gi dbang khrid rgyud bshad sogs mang po'i bcud myangs/ grub chen dkon blo la lam 'bras tshar drug sogs zab dgu'i chos kyi dga' ston thob/ rgyun gyi nyams bzhes gtso bor lam 'bras kyi thun bzhi dang 'khor lo bde mchog la mdzad cing / rim gnyis kyi rtogs pa mchog tu brtan/ dngos dang