[A:139b] de kha las ma 'das pa thag chod du 'dug snyam pa ma gtogs/ ci yin nam snyam pa'i blo sbram thang nger sdod pa ni mi srid pa nyams su myong bas/ gzhan du lo zlar bsgoms pa bas/ dam pa 'di'i gsung thos pa don che bar mthong la/ de ltar 'chad pa'i gnas skabs thams cad du/ zhum la gzengs bstod rgod pa la/ /'khor ba'i nyes dmigs legs par bshad/ /rmongs pa rnams la ngo mtshar gyi/ /gtam bshad nas ni mnyan du gzhug /ces pa ltar shin tu ngo mtshar ba'i lo rgyus dang / ku re dang bzhad gad nyams 'char ba dag gi sgo nas kyang spro ba bskyed par mdzad/ gnas skabs thams cad du 'khor ba'i nyes dmigs dang / tshul khrims dang thos bsam gyi phan yon/ dge ba'i bshes gnyen gyi rtogs brjod/ khyad par rje btsun sa skya pa yab sras bstan 'dzin dang bcas pa rnams kyi che ba'i yon tan dang bstan pa'i srol gtod tshul sogs snyan zhing 'jebs pa'i gsung gis gdul bya dag gi dad pa dang blo gros kyi dbang po kun nas rgyas par mdzad pa zhig yin no/ /tshul de lta bu'i sgo nas dge bsnyen dge tshul dge slong gi sdom pa 'bog pa/ byang sems kyi bslab pa/ smin byed kyi dbang / grol byed kyi khrid/ gzhan yang mdo sngags kyi bshad bka'/ lung bka' rjes gnang byin rlabs sogs zab pa dang rgya che ba'i chos tshul bgrang ba las 'das pa zhig stsal te/ skal ldan bstan 'dzin gyi slob bu yang ches mang ba zhig bskrun nas rgya mtsho'i gos can ma lus pa khyab pa mdzad