[A:19a]nas/ gdul bya 'dul ba'i phyir du sangs rgyas kyi mdzad pa bsam gyis mi khyab pa bstan cing / slar yang ston par 'gyur ba ste/ yab sras mjal ba'i mdo las/ sems can rnams la thugs brtse zhing / /sems can yongs su smin mdzad phyir/ /dpa' bo chen po rnam par 'phrul/ /bye ba brgyad bcur rgyal ba nyid/ /sangs rgyas nyid du bstan gyur kyang / /da dung chog pa'i 'du shes gsal/ /zhes dang / da dung dang por thugs bskyed par/ /de dang der ni yongs bstan te/ /da dung yang ni 'dren pa khyod/ /sangs rgyas mang po ston par mdzad/ /ces so/ /sangs rgyas pa'i gnas ni/ 'og min stug po bkod pa'i zhing du longs spyod rdzogs pa'i sku rten la don dam chos sku mngon du mdzad cing / 'jig rten gyi khams grangs med pa rnams su sprul pa'i skus gcig car byang chub pa la sogs pa'i tshul ston par mdzad pa ste/ ngag dbang grangs pas/ dpal ldan stug po bkod pa nyid du don dam thugs chud cing / /dga' ldan skye bo'i phyir ni dam pa tog dkar gyur/ /de nas 'dir ni 'gro ba'i don du shAkya'i tog gyur gang / /'chi bdag las rgyal sgyu ma kun ston de ni rgyal gyur cig /ces so/ /tshul ji ltar du sangs rgyas pa yin zhe na/ sa bcu rgyun gyi tha mar rdo rje lta bu'i ting nge 'dzin gyis bag chags dang bcas pa'i dri ma shin tu phra ba rnams kyang slar mi ldog pa'i tshul du sbyangs pas spangs pa mthar phyin pa dang / shes bya ji lta ba dang ji snyed pa'i don ma lus pa mngon sum du mkhyen pa'i ye shes brnyes pas rtogs pa mthar phyin pa'i