[A:23a]bgyis mi khyab par/ /de yi tshad ni nam yang med pa nas/ /byang chub mchog rab 'di ni ngas thob ste/ /nga ni rtag tu chos kyang rab mchod do/ /zhes gsungs pas so/ /de lta bu'i mdzad pa de dag theg pa chen po rgyud bla ma nas ji skad gsungs pa dang mthun par bshad na/ gong du bstan pa ltar bram ze khye'u bla ma de tshe 'phos nas lha'i bu dam pa tog dkar po zhes bya bar gyur te lha rnams la chos bstan pas lha'i tshogs mang po smin grol la bkod do/ /de'i tshe 'dzam bu gling pa rnams gdul ba'i dus la babs pa na/ nyid kyi bsod nams kyi mthu dang / sangs rgyas rnams kyi byin rlabs kyi rol mo'i sgra las/ bsod nams rgya chen tshogs mang dran rtogs dang / /blo gros mtha' yas shes rab 'od mdzad pa/ /mtshungs med stobs mnga' sgyu rtsal rgya che ba/ /mar me mdzad kyi lung bstan dgongs par mdzod/ /skyes mchog khyod kyi bsod nams dpal gyis ni/ /dga' ldan pho brang shin tu mdzes mod kyi/ /'on kyang thugs rje'i thugs dang ldan pas na/ /'dzam bu'i rgyal mtshan du ni char pa phobs/ /zhes sogs kyi tshigs bcad byung bas yang nas yang du bskul lo/ /de'i tshe lha'i bu rnams bram ze'i cha byad du sprul nas 'dzam bu'i gling gi mi rnams rig byed slob tu bcug ste/ 'di ltar mtshan dpe dang ldan na 'khor los bsgyur rgyal lam sangs rgyas su 'gyur zhes 'don du bcug cing / yang da ste lo bcu gnyis na byang chub sems dpa' lhums su 'jug go zhes bsgrags pas/ de rang rgyal rnams kyis thos pas rgyal po'i khab kyi mjug ma bsgyur ba'i