[A:184a]sa thams cad la rang rang gi chos lugs la 'bad pa thon gsungs pa sha stag yod pas dbang spus shin tu bzang ba yin no/ /rgya nag gi chos lugs log par spyod pa'i zin shing ston pa bcu bdun bstan pa la shin tu sdang bar yod pa rnams ni rigs pa rnam dag gis btul nas bstan pa la btsud/ rgya/ hor/ 'jang / yu gur/ mi nyag la sogs pa'i skal ldan snod du rung ba rnams la/ rab byung bsnyen rdzogs lo re'i nang du stong phrag re tsam rang gis gnang ba dang / mkhan po 'dul 'dzin chos mgon zhes bya ba sman rtse'i yul du brdzangs nas/ des kyang rab byung dgu brgya tsam dang / rje nyid kyis gnang ba snga rting dril ba la bzhi stong bzhi brgya nyer lnga mdzad de/ rgya nag gi rgyal khams rab byung gis gang bar mdzad do/ /de nas dgung lo nyer brgyad pa chu pho khyi la cha rkyen mang du bskur bar mdzad pa rnams la brten nas/ dpon chen shAkya bzang pos dbu rtse sgo gsum gser thog chen mo dang