[A:199a] /gzhan yang brgyud pa'i khyad par cung zad dang / man ngag thor bu ba 'dra mi 'dra dang / lag len mi 'dra ba'i khyad par mang ba zhig 'dug cing / de ltar ma gtogs pa'i dpyod ldan 'gas bar skabs su sgro btags pa dang / blun po 'gas snying khams bskyed de byas pa'i yi ge dang lag len/ chos skor 'di la sbyangs pa'i mkhas pa gzu bor gnas pa dag gis mthong nas snying rje'i gnas su 'gyur ba 'ga' yang mthong mod/ drang por smras na mtshang la phog cing / bsngags pa brjod na bstan pa la gnod pas btang snyoms su bzhag go /de rnams kyi nang nas gong du bshad pa ltar 'phags pa rin po ches mgon po'i snyan brgyud kyi man ngag thun mong ma yin pa rnams gha a gnyan dam pa la chig brgyud du gnang / des kyang bla ma'i bka' bzhin bdag nyid chen po ma gtogs gzhan la thun mong ma yin pa ma gsungs/ bdag chen pas mkhas btsun