[A:35b] pa la sogs pa'i chos rgyud dri ma med pa bzhugs par dgongs nas bla brang gi gdan sa mdzad par gsol ba btab pa bzhin/ gnas de nyid du gdan phab nas lo nyi shu rtsa drug gi bar la sgrub pa la rtse gcig tu bzhugs/ de'i bar gyi thugs dam gyi rim pa ni/ tho rangs skya rengs dang po'i dus su bir srung thun mong ma yin pa dang / lam zab thun mong ma yin pa la sogs pa mdzad/ de nas sngon 'gro mchod gtor gyi rnal 'byor rgyas pa/ rje btsun yab la brten pa'i lam dus rgyas pa brgya bzhi dang bcas pa mdzad do/ /de nas gdan bzhes kyi gong du dkar cha bzhi/ rdo rje mkha' 'gro'i sbyin sreg mdzad cing / de nas kha zas kyi rnal 'byor dang bcas pa'i gdan bzhes mdzad nas grol 'phral/ rje btsun sa skya pa'i gsung rab mtha' dag dang / gzhan yang bka' bstan bcos dri ma med pa rnams la gzigs rtog ci rigs mdzad nas nyin gung la bab pa'i tshe/ sngon 'gro mchod gtor