[A:73b] kyang bla ma rnams kyi thugs rje dang / a tsa ra 'di rnams kyis kyang grogs byas/ ci byas tshabs su song ba'i rgyal ga yod pa byung / bskyed rim gsal zhing gtor bsngo ye ma chag pa byas/ bdag la phyag rdor gyi bskyed rim gsal 'debs gcig gnang dgos zhes zhu ba gsal bar byung bas/ de dus kyang gsal 'debs mdzad/ sang nangs par nas bzung phyag na rdo rje'i dkyil 'khor du sde pa de nyid kyi mtshan byang lam ston lan gsum gyi bar du mdzad pas/ re zhig nas rje nyid kyi thugs dam gsal snang la/ bar snang la 'brug skad snyan po zhig byung ba la gzigs pas/ gzim khang gi logs thams cad 'od kyi rnam pa can gyi nor bu mig gsum pas gang ba shin tu gsal bar gzigs pas/ rje nyid kyi thugs la sde pa de nyid byang phyogs lcang lo can du gnod sbyin 'brug la zhon pa can/ ming bde ldan 'od zer zhes bya bar skyes nas drin lan