[A:155a] ma stsol bar mdzad pa lags so/ /mal lo nas brgyud pa la pho rkyang dang / mo rkyang gnyis kyi rjes gnang ni med do/ /'o na khro bcu'i rjes gnang 'di pho rkyang du song snyam na/ 'di gtso 'khor sbags sgrub yin pas pho rkyang du mi 'gyur ba yin zhes rje blo gsal rgya mtsho bzhed cing / bla ma gong ma 'ga' zhig ni/ gri gug lha lnga dang / mgon po khro bcu yang pho rkyang gi nang du 'du bar 'dod pa dag byung mod kyi/ 'di ni gtso 'khor sbags sgrub tu bzhed pa nyid don la gnas pa yin no zhes bdag gi rje bla ma dag gsungs pa shin tu 'thad par mthong ngo / /de dag gis ni rje tshar chen gyi mgon po'i chos skor gyi dri ba lhag bsam rab dkar las/ mal lo nas brgyud pho rkyang mo rkyang la/ /rjes gnang thog ma nyid nas med pa'am/ /'on te bar skabs ji tsam dag nas chad/ /khro bcu'i rjes gnang /