[A:212b] yul na br-i ShaHste khyu mchog ces grags shing / rgya nag lugs la lcags mo sbrul gyi lo me tog can gyi zla ba'i dkar phyogs dga' ba dang po'i tshes la/ gza' dang skar ma dang sbyor ba dang byed pa bzang po 'dzoms pa'i nyin/ bod kyi rdo rje gdan dpal sa skya'i chos grwa chen po'i bzhi thog bla brang gi yang rtse ngo mtshar 'chi med rdo rje'i pho brang e waM byang chub 'byung ba'i gnas su bla ma dang mkha' 'gro chos skyong khyad par can rnams la gsol ba rtse gcig tu 'debs bzhin pa'i ngang nas legs par sbyar ba'i yi ge pa ni/ gso ba rig pa la mkhas shing / yi ge'i 'du byed la byang chub pa gdong ga ba bsam pa don chen dang / A kSha ra'i bya ba la phul du phyin cing dpal dus kyi 'khor lo'i rtsis gzhung rgya mtsho la legs par sbyangs pa shab stod pa bkra shis don grub gnyis kyi sor mo'i 'du byed las bskrun pa'o/ /'di bgyis dge bas bdag cag dpon slob kyi sdig sgrib thams cad byang zhing dag ste/ dus 'dir tshe ring nad med bsam don yid bzhin du