[A:25b]snga chog dgong chog dang gsol 'debs gdung bzhu ma grub kyi bar du phul/ gzim khang g.yab chen du bla ma rin po che lung rigs rgya mtsho dang / rje shar khang nas gnyis kyi gtsos pa'i dge 'dun lnga bcu tsam re'i dges pa rdo rje'i bsgrub mchod snga chog dgong chog nyer lnga nas zla ba phyi ma'i tshes bco brgyad kyi bar du phul te/ gsol 'debs pa rnams la bsnyen bkur phun sum tshogs pa gnang sbyin dang bcas pa bsgrub/ de nas phyogs kyi dgon pa che phra phar cher du mang ja 'gyed bcas stobs che ba dang / tshes bcu nas gsol 'debs chen mo btsugs te dge 'dun stong phrag du ma dang / rtogs ldan pho mo lnga brgya tsam la mang ja snyed bkur 'bul nod blo'i ra ba las 'das pa dag bsgrub cing / gzhan yang lo dus zla dus kyi dus mchod/ phyi rten nang rten bzhengs pa sogs chos rje gdan sa pa dang / rje dbon rnam pa gnyis dang bcas pa'i do dam rkang len mdzad nas phul du phyin pa bsgrub par mdzad do/ /sku gdung rin po che rgyal zla ba'i nyer gcig la bzhu la phul ba'i tshe dud sprin thams cad rdo rje dang ral dri dang / mchod sprin gyi rnam pa dpag tu med par gyur nas nam mkha'i ltos khyab pa byung zhing / gdung ring bsrel 'brel dpag tu med pa byung ba rnams rten so so'i nang du bzhugs su gsol/ gdung rus lhag ma rnams la gdung tsha che chung khri khrag du ma btag