[A:7b]dpyal lugs kyi phag mo skor gsum gyi byin rlabs sogs byin rlabs kyi rigs lnga phrag gsum tsam dang / gtsug tor rnams rgyal/ don zhags lha lnga/ gur mgon lha brgyad kyi rjes gnang / zur bka' bzhi bcu lhag pa tsam sogs 'di dag kyang rgyab rten gyi yig cha so so'i lung dang / gzhan yang dges pa rdo rje rgyud gsum gyi bshad bka'/ bde mchog rtsa rgyud 'grel pa dang bcas pa'i lung bshad sogs dang / chos rje mkhan chen thams cad mkhyen pa rang nyid kyi bka' 'bum gyi lung sogs mchog tu zab pa'i chos kyi bka' drin mang du gsan te thugs su chud par mdzad/ yang rje 'dis 'phags pa spyan ras gzigs dang mi gnyis pa'i rje btsun mus pa chen po sangs rgyas rin chen gyi drung du snga phyir gsan pa'i chos kyi rnam grangs la/ rdo rje 'phreng ba kri ya sa munytsa dang bcas pa'i dbang / bde mchog nag po pa'i chos skor yongs rdzogs/ sbyong dkyil bcu gnyis kyi dbang / blo sbyong gi skor/ rje mus chen rang nyid kyi gsung 'bum gyi lung sogs gsan zhing / mdor na sngar gsan pa'i gdams mang po yang bskyar nas gsan par mdzod de/ nyid kyi gsung las/ 'jig rten dbang phyug buddha ratna las/ /sngar gyi gdams sngags phal cher bskyar nas gsan/ /gzhan yang gsang 'dus rigs gsum blo sbyong spyod/ /kri ya sa munytsa sogs mang dus thos/ /zhes sogs gsungs so/ /gzhan yang thams cad mkhyen pa zha lu lo tsA ba rin chen chos skyong bzang po la dus 'khor sa lugs kyi dbang / sbyor ba yan lag drug pa'i khrid/ tha snyad rig pa la sgra ka tsan gnyis 'grel