[A:7a]rgyud gsang ba 'dus pa'i skor mang po zhig dang / thun mong bsgrubs pas mchog zhar la 'byung ba dmar po skor gsum gyi byin rlabs man ngag las tshogs dang / de dag gi yig cha'i lung / rje btsun gong ma lnga'i bka' 'bum/ rdo rje 'chang kun dga' bzang po/ sems dpa' chen po dkon mchog rgyal mtshan/ kun mkhyen bsod nams sengge rnams kyi bka' 'bum/ gzhan yang chos skyong skor gyi rjes gnang sogs rjes gnang gi rigs bsam gyis mi khyab pa dang / khyad par brgyud pa dri ma med pa las 'ong ba'i sdom pa gsum gyi bka' drin mnos pa'i bla ma rnams kyi nang nas kyang 'di nyid la rtsa ba'i bla ma mchog tu 'dzin pa yin te/ nyid kyi gsung las kyang / khyad par rdo rje 'chang chen ratna'i mtshan/ /snyigs dus 'gro ba'i 'dren mchog dam pa las/ /sdom pa gsum gyi bka' drin nyer mnos pas/ /bka' drin che zhing bla ma'i mchog tu bzung / /zhes gsungs so/ /yang bdag nyid chen po 'dis mkhan chen bsod nams lhun grub las dam pa'i chos gsan pa'i tshul ni/ bdag nyid chen po rang gi gsung las/ mkhan chen 'jam pa'i dbyangs las ches zab pa'i/ /kye rdor rgyud gsum gsang mtha' gur mgon sogs/ /thun mong ma yin yid ches gnas rnams zhus/ /zhes gsungs pa ltar/ bya ba spyi rgyud nas bshad pa'i rigs gsum spyi dbang / rnam 'joms ma Ni badzra lugs kyi dbang sogs smin byed dbang gi rnam gzhag bcu phrag gsum du lnga phrag gcig gi lhag pa rnams dang /