[A:10b]par bshad pa'i dkyil 'khor zhe lnga dang / /ngan song sbyong ba'i dkyil 'khor bcu dang gnyis/ /rnam dag zur bka' lnga bcu rtsa gcig ste/ /smin byed dbang gi rnam grangs brgya dang brgyad/ /grol byed khrid kyi rim pa nyi shu bdun/ /snyan brgyud zab mo'i byin rlabs nyer gnyis lhag /rjes su gnang ba'i bka' srol chen po gnyis/ /rjes gnang zur bkar grags pa bzhi bcu lhag /rgya bod mkhas pa'i dgongs 'grel dang bcas pa'i/ /zab rgya rgyud sde'i bshad bka' bcu gsum dang / /so thar byang sems sdom pa bslab byar bcas/ /sgra dang snyan ngag sdeb sbyor skar rtsis dang / /bka' dang bstan bcos glegs bam rab 'byams kyi/ /dag gsal lung gi bka' drin dang bcas pa/ /mtha' yas gdul bya'i bsam pa ji lta bar/ /stsol mdzad chos kyi sbyin bdag che ba po/ /mkhas pa'i mdun sar 'gal 'brel gtam byed tshe/ /lung rigs rjes su gdams pa'i mche lder gyis/ /ma rtogs log rtogs the tshom glang po'i lus/ /'joms mdzad smra ba'i sengge mtshungs pa med/ /legs sbyar tshig gi srad bu la brgyus pa'i/ /rgyan dang mngon brjod sdeb sbyor nor bu'i 'phreng / /mkhas pa'i yid 'phrog dbyangs can mgul pa'i rgyan/ /spel mkhas tshig rje tshig bdag smra mkhas po/ /zhes gsungs pa ltar ro/ /de bas na bdag nyid chen po 'dis mkhas pa'i bya ba rnams pa gsum gyis sgo nas mkhyen brtse nus gsum gyi rgyal ba'i bstan pa nyin mo ltar gsal bar mdzad pa'i snyan grags phyogs kun tu khyab pa la rten/ skal ba dang ldan pa'i gdul bya rnams ma bsdus par yang rang gi ngang gis 'du