[A:10a]pa'i slad du legs bshad gsar du mdzad pa yang / rje btsun sa skya pa yab sras rnams la mchod yar gyi tshigs bcad/ rtsa ba'i bla ma bzhi la bstod pa sogs gsol 'debs dang bstod pa'i skor du ma dang / rje sangs rin dang / glo bo mkhan chen pa gnyis kyi rnam thar/ gzhan yang sgrub thabs/ dkyil 'khor gyi cho ga khrid yig lha so so'i rjes gnang gi yi ge chos skyong gi bskang ba/ bstod pa/ nyid kyi gsan yig padma ra ga'i 'phreng ba sogs mdor na sngon med pa'i legs bshad kyi tshogs glegs bam du long ba mdzad de/ 'di dag kyang ming mngon brjod kyis spras pas bying che/ tshig snyan ngag gis brgyan pas sna bar snyan/ don brjod bya dang 'brel bas rtogs sla/ bcad mtshams sdeb sbyor dang mthun pas brjod bde ba la sogs pa bstan bcos rtsom pa'i yon tan thams cad tshang bas mkhas pa rnams kyi yid 'phrog par byed pa kho na te/ ji skad du/ gzhung brgya 'chad pa'i lce bde blo gsal zhing / /lung rigs 'gal 'brel spyod pa'i 'dren byed kyang / /sdeb legs rtsom pa'i ro 'dzin bsgyur mkhas pa'i/ /gnas lnga rig pa dpal ldan sa skya pa/ /blo bzang khyed kyi mkhyen pa'i dod dpon gyis/ /mkhas grub zhal gyi chu gter las blangs pa'i/ /dbang lung man ngag yid bzhin rin chen gyis/ /zab yangs thugs kyi bang mdzod legs bkang nas/ /slar yang skye dgu'i dbul ba sel ba'i phyir/ /rgyud sde rnam bzhi'i dgongs don rin chen mchog /rdo rje 'phreng ba kri ya sa mu nytsar/ /legs