[A:11b]dpal bzang / skyogs lo tsA ba ngag dbang rin chen bkra shis dpal bzang po la sogs pa mkhas grub kyi slob ma mtshan nas bgrang du btub pa brgya phrag du ma byon zhing / gzhan yang gdan sa chen po'i brgya dpon dang / zur chos pa bstan pa'i bya ba mdzad nus pa du ma dang / dbus gtsang khams gsum gyi chos sde chen po'i mkhan po dang / dgon pa so so'i bla ma dang / grwa tshang tha dad kyi slob dpon dang / blo gsal du ma'i 'dren pa dang / mi chen mang po'i bla ma la sogs pa mdor na bdag nyid chen po dang yul dang gnas skabs kyi ma skal zhing / chos lugs gzhan gyis dbang du ma gyur pa'i dge ba'i bshes gnyen phal mo che zhig gis rang gi skal ba dang mtshams pa'i gsung gi bdud rtsi thob par byas nas/ dad pa chen po'i rigs kyi cod pan dam par 'dzin zhing sku gsung thugs kyi rnam thar gyi rjes su slob pa bgrang ba las 'das pas kun mkhyen rgyal ba'i bstan pa nyin mo ltar gsal bar mdzad cing / de dag gi slob ma dang yang slob dang nyid slob rnams kyis kyang sa chen po 'di yongs su khyab par gyur pa ste/ ji skad du/ ting 'dzin klu dbang du mas nyer bsten pa'i/ /gting mtha' mi mngon chos dbyings thugs mtsho las/ /'phrin las rnam bzhi'i chu chen rab phab nas/ /bstan 'dzin rtsa ljang myu gu mang du bskyed/ /e ma 'jam mgon gnyis pa'i zhal gyi lung / /rna ba'i kun dgar mi 'dzin mkhas pa su/ /khyod kyi zhabs sen yid 'ong nor bu'i 'phreng / /spyi bo'i rgyan du mi len chen po gang / /rang gi slob ma rang dang rjes mthun pa/ /mkhas btsun bzang pos mkhas pa'i bya ba gsum/ /