[A:12a]mdzad nus du mas mdzad pa bsam yas kyi/ /blo gsal rnams kyi blo mtsho 'gengs la brtson/ /zhes gsungs pa ltar ro/ /de ltar bdag nyid chen po 'di ni rang gis thos pa dang / gzhan la bstan pa de thams cad kyang zab mo'i ting nge 'dzin la bcud len bya ba'i phyir btson 'grus drag pos nyin zhag phrugs re la ji ltar mdzad pa'i rim pa yang / thog mar dges pa rdo rje'i phyi nang gi bskyed rim/ lam dus kyi dbang rgyas par blangs ba dang bcas pa/ bde mchog dril bu pa'i lus dkyil/ nag po po'i mngon rtogs/ phur pa'i mngon rtogs/ lam zab mo bla ma'i rnal 'byor/ bla ma rin chen 'byung ldan/ rnal 'byor dbang phyug gi srung ba gnyis/ nA ro mkha' spyod kyi nyams len 'chi kha ma'i gdams ngag dang bcas pa/ bde mchog dkar po'i nyams len/ rdo rje lha mo'i mngon rtogs/ dmar po skor gsum gyi nyams len/ sgrol dkar gyi mngon rtogs/ thub pa mi ru sbi Sha ra/ rnam rgyal 'joms gnyis/ mgon po'i bsrung bzlog rgyas pa sogs lha'i rnal 'byor re re nas kyang sngags kyi bzlas pa grangs mang po dang bcas thun gnyis dang gsum dang bzhi la sogs pa'i nges pas gtan mi chag pa'i dam bca' brtan po mdzad cing / gtso cher rdzogs rim gyi nyams len lta ba skyong ba dang bcas pa du ma dang / sbyor drug gi nyin mtshan gyi rnal 'byor dang / rlung dang 'khrul 'khor la sogs pa'i rnal 'byor du mas mtshan mo'i cha phal cher 'da' bar mdzad la/ snga dro thugs dam grol nas rten gsum rnams la phyag dang bcas pa'i yan lag bdun pa dang / dkar