[A:13b]gda' mi tsho bde mchog sngon po yin zer te/ 'di ni dkar pos 'dug gsungs pa la sogs pa dang / yang lan gcig mus kyi bsam gtan phug tu lo gcig hril po sku mtshams la bzhugs te/ 'khor lo bde mchog gi gsung bsnyen mthar phyin par mdzad pa'i dus su 'khor lo bde mchog bde chen lha lnga dang / rje btsun rin po che grags pa rgyal mtshan/ mus chen sangs rgyas rin chen rnams nam mkhar zhal gzigs shing / khyad par 'jam dbyangs sangs rgyas rin chen/ rje btsun rnal 'byor gyi dbang phyug bir wa pa'i rnam par gzigs te/ de'i skabs su sku 'khor rnams la gzigs snang rnams byung tshul dang / nyams rtogs kyang blo kha rdzogs pa tsam byung / rje sangs rgyas rin chen 'di dus kyis min pa/ sems dpa' chen po las 'jigs pa 'dug ces rje nyid kyis gsungs zhes kyang grags shing / yang chos skyong srung ma rnams kyis zhal bstan te 'phrin las bsgrub pa'i tshul ni/ skabs gcig shab dge sding gi mgon khang du rgyun ring bzhugs te thugs dam dang chos skyong gi gtor 'bul dang / bskang ba bstod pa rgya chen po mdzad pas/ de'i dus su kyai rdor dang / rdo rje nag po chen po gur gyi mgon po lcam dral dang / khyad par las mkhan pu tra chen po lus kyi stod nyang pa byas pa cig mngon sum du gzigs shing / gzhan yang chos skyong mnyes pa'i rtags/ bud med rgyan bzang pos brgyan pa dang / 'dzu ge mang po dges pa'i rnam 'gyur ci yang byed pa gzigs te/ de nas chos skyong 'khor bcas la bstod pa dgra bgegs srog gcod kyi 'khor lo zhes bya ba dang / dpal ldan lha mo'i bskang gso dngos grub rol mtsho zhes bya ba