[A:13a]chags tsam yang ding sang gi dge ba la gcig tu zhugs par rloms pa rnams kyis nyin zhag du mar 'bad kyang grub par dka' bar mthong zhing / de ltar rim gnyis kyi ting nge 'dzin zab mo la g.yel ba med par bzhugs pa'i 'bras bu gnas skabs su bla ma yid dam sogs kyis zhal bstan zhing rjes su bzung ba'i mtshan ma yang bsam gyis mi khyab pa mnga' ba yin te/ de yang bdag nyid chen po 'dis dgung lo nyi shu rtsa grangs bzhes pa'i skabs shig rtse gdong gi dgon gzhis mdo chos gzim khang du sku mtshams mdzad nas rdo rje phur pa gtsor bor gyur pa'i thugs dam gnang dus/ sa bir zhal spros/ bcom ldan rdo rje gzhon nu/ dpal ldan bla ma dam pa bsod nams rgyal mtshan rnams kyi zhal gzigs pa dang / bdag nyid chen po 'di dgung lo sum bcu so gnyis su phebs pa me pho byi ba'i lo na landrar gsung ngag rin po che 'bras bu dang bcas pa'i thog drangs/ khrid lung man ngag dbang byin rlabs rjes gnang sogs zab rgyas kyi dam pa'i chos mang po stsal ba na/ de'i skabs su rjes sangs rgyas rin chen yang phebs te de nas yab sras lhan cig tu gtsang phyogs la gdan bteg ste/ yar lam srin po ri mjal bar phebs pas/ bde mchog gi sku de bde mchog zhal bzhi phyag bcu gcig par gzigs nas sku lus la 'phar g.yo la sogs pa byung ste gar stabs sna tshogs mdzad cing / de nas de las sangs pa na khye'u dkar po gcig gis bsu ba byas nas bskor lam la phebs pas/ de'i dus su rje sangs rgyas rin chen gyis 'khor rnams la/ khong pa la gzigs snang dang nyams rtogs mang po 'khrungs