[A:15b]gsungs par grags la/ de ltar bla ma dang yi dam chos skyong srung ma rnams kyi zhal gzigs lung bstan dbugs dbyung mdzad cing / de la brten nas nang du ting nge 'dzin gyi sgo du ma yang mngon du mdzad/ phyi rol du grub pa'i mtshan ma bsam gyis mi khyab pa la mnga' mdzad pa zhig ste/ de yang bdag nyid chen po 'dis lha sar jo bo shAkya mu ne mjal bar phebs pa'i lam du skyi chu bya ba'i chu bo de la gru zhugs nas phebs pas gru bying nas shin tu nyen che ba byung ba na/ rje 'di'i rje sangs rgyas rin chen la gsol ba drag tu btab pas/ bya rog gcig gru'i rta mgo'i steng du byung nas 'jigs pa las grol ba dang / gzhan yang bdag nyid chen 'dis byang ra sgreng bskor bar phebs te/ slar yang phebs pa'i lam du bla ma dge dga' ba bya ba dang / mal gro bsgrub chen pa'i slob ma bla ma sbal pa blo gros bya ba sbyor drug gi thugs dam shin tu smin pa gnyis kyi rmi lam du/ rje 'di 'jam dbyangs dngos yin pa'i mtshan sogs rtags khyad par ba mang du 'byung bar grags pa dang / khyad par 'babs rong gi gnas mchog tu phebs pa'i tshe/ phebs lam gyi brag srub gcig tu skye bo mang po la 'dre srin gyi gnod pa mi 'byung ba'i phyir rdo la zhabs kyi rjes shin tu gsal ba 'jog par mdzad pa na/ de nyid kyi snyan grags la rten sku tshe'i bar chad du song dogs mtho'i 'og tu gnon gsungs ba'i bka' phebs pa bzhin/ 'khor rnams kyis bka' bzhin bsgrub ces nyid kyi sku 'khor ba rnams gleng bar grags shing / gzhan yang der skabs dgun shin tu grang ba'i dus