[A:18b]dang bcas te dbu'i gtsug gi thod pa sor gang tsam gcig gtsug tor gyi tshul du 'phags pa la byang sems kyi zil pa khrom me ba dang bcas par gyur cing / de ma thag nas sngar su zhig gi sna'i yul du tshor ma myong ba'i lha rdzas kyi spos kyi dri gsung khyad par can gyis gzim khang gi steng 'og thams cad khyab pa dang / kha dog sna tshogs pa'i 'ja' tshon gyi ri mos mdzes pa'i nam mkha' las me tog gi char chen po babs pa la sogs pa ngo mtshar ba'i ltas du ma dang bcas te/ rgyud sde rnams nas 'byung ba'i mda' kha ma'i rnal 'byor gyis bde ba can gyi zhing khams su dpa' bo dang rnal 'byor ma rnams bsu ba dang bcas gshegs par 'gyur to/ /de nas sku gdung gi zhabs tog dang / thugs dam gsal 'debs su gsang sngags zab mo'i bsgrub mchod nar mar 'bul ba sogs sbas pa'i rnal 'byor 'phags chen dpal ldan bkra shis dang / sa lo nyid kyi thugs sras kyi gtso bo sngags 'chang chos kyi rgyal po ngag dbang kun dga' rin chen/ zhabs 'bring pa'i tshogs dang bcas pas phyag bzhes su btab nas yang dag par bsgrub par mdzad cing / gzhan yang dgongs rdzogs kyi dngos gzhi'i skabs su byes kyi dge 'dun gyi sde rnams su 'bul ba bsnyen bkur sbyin gtong sogs dge ba'i bya ba rgya chen po blo'i ra ba las 'das pa zhig gis dgongs pa chos dbyings su rdzogs par mdzod de/ slar yang rgyun dang / lo dus kyi mchod pa rgyun ma chad pa dang / nang rten du da lta sa skya'i bzhi