[A:18a]pa gshom zhes yang yang gsungs de dag gi skabs su nam mkha' baiDurYa'i mdog ltar shin tu dwangs shing snun pa la nyi ma'i 'od zer sngar bas kyang gsal ba dang / lha'i me tog gi char bsam gyis mi khyab pa babs pa na sku 'khor rnams yid ma bde nas/ 'di ltar 'dug lags pa ci 'dra lags sam zhugs pas/ 'jig rten gyi khams bsam gyis mi khyab pa rnams na sangs rgyas dang byang chub sems dpa'i rnam par sprul pa la la bltams pa dang / la la mya ngan las 'da' ba la sogs pa'i tshul ston pa bsam gyis mi khyab pas de kun gyi ltas yin mod gsungs shing / gzhan gyi sems bsrung ba'i phyir du yal yol mdzad/ tshes bcu'i snga dro'i dus da lta sku khams gso ba'i mnal cung zad gcig mdzad na/ nyin mo sku khams dwangs pa yong lags sam zhus pas/ de tsam 'dug long med ces gsungs shing / zhing khams 'di'i mdzad pa re shig rdzogs pa dang / zhing khams gzhan du gdul bya rgya che ba la dgongs nas/ brtag 'dzin can rnams nges 'byung bskyed pa dang / lo lo can rnams brtson 'grus la bskul ba'i ched du chos kyi rje de nyid dgung lo bzhi bcu rtsa dgur phebs pa chu mo sbrul gyi lo chu stod zla ba'i tshe bcu'i nyi ma dro bor tsam la gdan sa chen po'i bla brang rin chen sgang nyid du gzugs kyi sku chos kyi dbyings su bsdu bar mdzad cing / de nas phyi dro'i cha la babs pa na thams cad kyis gsan pa'i thag sgra shin tu che ba