R262: kun mkhyen bkra shis rnam rgyal gyi rnam par mthar pa ngo mtshar gyi rgya mtsho/ {bod yig glog rdul dpe cha/}

  • Pagination (Witness A): 17a
[A:17a]snang ba rgyun mi 'chad pa'i rtags so/ / chos rgyun ting 'dzin dag pa [B:35] lha yi spyan/ / rgya chen shes bya'i mkha' la rab phye bas/ / sprul sku'i zhing khams rgyal ba sras dang bcas / / ma sgribs mngon sum nyid du gsal bar gzigs/ / slar yang sa bcu'i them skas la 'dzegs te/ / stug po bkod pa'i zhing khams rab sbyangs pas/ / rnam snang gangs chen mtsho de'i zhal sgo las/ / theg chen chos kyi sgo mang yang yang gsan/ / tha mal snang zhen mkha' la sprin ltar dengs/ / cir snang dag pa'i 'khor lo rab tu sad/ / yi dam lha dang nam mi 'bral ba/ / sangs rgyas zhing rnams sbyangs pa khyod lags so/ /
gzhan yang chos yes brag mgor thugs dam la bzhugs dus nub ciggcig rnal lam du dar dkar po'i chos gos rnam pa gsum sku la bzhes te/ me tog sna tshogs pas rab tu bkra ba'i ri'i spo la thegs pas/ sbur chen gyi ri'i rtse mor phebs pa na/ rje btsun 'jam dpa'i dbyangs dge slong gi cha byad can zhig dang mjal ba'i tshe de'i phyag gi ral gri de las 'od zer dpag tu med pa 'phros pa'i sna la gzigs pas/ mnga' ris nas rgya nag gi bar gsal bar gzigs pa dang / gong lar rdzogs chen gyi mun mtshams la bzhugs pa'i skabs shig tu/ stod dgyer tshun chad kyi dwags yul phal cher mngon sum du gzigs shing skrong ngang kyi zhing ciggcig la rtsas ma byed pa'i mi'i grangs tshun chad gzigs pa dang / e wam du rnal 'byor yan lag drug pa'i ting nge 'dzin la [C:289]bzhugs dus/ stong gzugs thams cad A l-i kA l-i'i gzugs 'ba' zhig tu gzigs pa dang / paN chen nags kyi rin chen la sbyor ba yan lag drug pa gsan pa'i dus sne gdong gi mun khang nas yar lungs