[A:30a]par mdzad pa na/ bdag nyid chen po 'di'i rigs pa'i dpung bzod pa ni 'jig rten gyi khams na su yang ma 'tshal na/ rtsod par bzod pa lta ga la zhig//thams cad spobs pa dang bral bar byas so zhes snyan pa'i grags pas sa chen po khor yug dang bcas pa khyab par gyur to/ /yang lan ciggcig gi tshe gong ma grags pa 'byung gnas lha sar phebs pas/ ri bo dge ldan nas chos kyi rje mkhas grub dge legs dpal ba byon pa dang / bdag nyid chen po 'di zhal 'dzom pa'i skabs shig dutu/ mkhan chen kun rgyal bas gleng slong ba'i gtam gyi 'phros pa gsung rab la 'bel pa'i gtam gyi gleng mor bsgyur ba na/ chosarje mkhas grub pas sngar rgol ltar dam bca' bzhag ste/ dus kyi 'khor lo'i rgyud 'grel rnams rang gi bstan don la mi bslu ba'i tshad [C:317]ma snga ma sngon du song ba'i dpyad gsum gyis dag pa'i lung rnam dag yin pas na/ de nas gsungs pa'i 'jig rten gyi khams kyi chags tshul rnams kyang ji ltar gsungs pa bzhin yod la/ mngon pa'i gzhung rnams kyang de lta bu yin pas/ de nas gsungs pa'i 'jig rten gyi khams kyi gnas tshul rnams kyang de kho na ltar yod do/ /de nas ri rab la zlum por yod pa'i cha ciggcig dang / gru bzhir yod pa'i cha ciggcig ste/ gnyis ka khas len kyang / dus 'khor nas bshad pa'i ri rab zlum po'i go sa na/ mngon pa nas bshad pa'i ri rab grub bzhi yod pa dang / de las log ste gru bzhi'i go sa na zlum po yod par ni khas mi len/ cha can ri rab gcig gi go sa na cha shas ri rab zlum po dang gru bzhi gnyis yod par khas blangs pa la 'gal ba med pa'i dpe ni/ cha can brlan gsher phor gang gi go sa na/ cha shas bdud rtsi phor gang dang rnag khrag phor gang yod kyang / bdud rtsi'i go