[A:30b]sa na rnag khrag med pa dang / rnag khrag gi go sa na bdud rtsi med pa bzhin no/ /zhes dam bca' bar mdzad do/ /de la thog mar thal ngag tu ma btsug par/ khyed kyi lugs [B:59] la ri rab gcig gi go sa na ri rab gru bzhi dang zlum po gnyis ka yod la gru bzhi'i go sa ni 'di'o/ zlum po'i go sa ni 'di'o/ zhes so sor ngos bzung rgyu mi 'dug pas/ ri rab zlum po'i go sa na ri rab gru bzhi yod par 'dod dgos pa 'dra zhes gsungs pa na/ de 'dra shes bya sgog gtum ma'i rigs pa yin mod kyi/ 'on kyang ri rab ciggcig gi go sa na ri rab gnyis yod par khas blangs pa la skyon med [C:318]de/ chos can yan ga ba re re la'ang ldog pa'i dbye ba mtha' yas pa yod do/ /zhes gsungs so/ /yang khyed kyi dpe don sbyor lugs de ltar na/ ri rab ri rab gru bzhi dang zlum po gang yang min nam/ rlan bsher phor gang po bdud rtsi dang rnag khrag gang yang min pas shes gsungs pa na/ chos thams cad sems kyi snang ba tsam yin par shes na de kho na ltar khas len dgos shes gsungs so/ /der thal ngag tu sbyar nas/ ri rab zlum po yin par thal/ der ston pa'i dus 'khor gyi lung de dpyad gsum gyis dag pa'i lung rnam dag yin phyir/ 'dod zer ba la min par thal/ de gru bzhi yin pa'i phyir te/ der ston pa'i mngon pa'i gzhung de de'i phyir/ 'khor gsum ka la lan med do/ /zhes gsungs pas/ khong cung zad skyengs shing tshab tshub tu gyur pa la/ lha sa gcig gi go sa na lha sa gnyis yod par thal/ ri rab gcig gi go sa na ri rab gnyis yod pa'i phyir/ jo shag gcig gi go sa na jo shag gnyis yod par thal/ de'i phyir/ lha sa'i jo bo shAkya la bzhugs pa'i sku gcig dang / bzhengs pa'i sku gcig ste gnyis kyi