[A:4a]
rtse mor 'phags pa dang dus mtshungs pas ya mtshan pa'i rmi ltas de nyid yab la gsol ba na lhag par dgyes te/ lus nye bar 'tsho ba'i thabs su/ gsang sngags dang rig sngags 'chang ba'i rdo rje 'dzin pa rnams kyis bsrung ba'i 'khor lo rgya cher bsgombsgoms pa dang / bslab pa la gnas shing yid gzhungs bas gsung rab sgrog par brtson pa rnams kyis rgyal ba'i bka' dri ma med pa yun du klog pa dang / srid zhu'i mel tshe la nan tan du 'bad [B:13] pa'i sku 'khor ba rnams kyis bkur [C:261]bstis nye bar mchod pa dang / rkyen du 'phrod pa'i nyer spyad 'kho dgu cog ma tshang ba med par sbyar ba dang bcas nas/ yum khang bzang dben par bzhugs su bstsal lo/ de'i tshe yum gyi sku lus yang zhing bde la/ gsung ngag rang bzhin gyis 'jam pa nyid kyang lha'i gdangs ltar snyan par smra/ thugs rig mchog tu dwangs shing dge ba la 'bad med du 'jug pa sogs sngon bas kyang bde bar gyur zhes grag na/ bdag nyid chen po 'di nges par ting nge 'dzin gyi sgo mi 'dra ba mang po la snyoms par zhugs par gdon mi 'tshal bas/ de lta bu'i mthu dpal 'ba' zhig tu gor ma chag go/ /
tha mal mngal gnas 'dam rdzab dang 'dra yang / /
khyod sku lha yi rdzu 'phrul gyis sprul ba'i/ /
ngo mtshar mngal gyi gzhal med khang chen der/ /
ting 'dzin gnas la g.yo med brtan par bzhugs/ /
sprin dkar dra bas g.yogs kyang nyin byed ni/ /
mkha' la 'ja' tshon phreng bas mdzes pa ltar/ /
khyod sku yum gyi lhums su bzhugs tshe yang / /
dge legs mtshan mas nor 'dzin khyab par