[A:4b]
mdzad/ /
rgyal sras zla ba las byung phan bde yi/ /
'od dkar yum gyi gdung ba 'phrog byed pa/ /
ting 'dzin bsil 'od skye dgu kun da'i gnyen/ /
rmad byung snang gsal 'di kwe a la la/ /
sku bltams shing gzhon nu'i rol rtsed mdzad pa'i gtam/
de ltar yum gyi lhums su zla ba dgu'i 'am/ bcu'i bar du bde bar bzhugs nas / sa pho stag 'bru mang po'i lo/ dbyar zla ra ba sa gzhi sngo gzhon nu mas gang bas/ markata margad kyi gos gyon pa ltar snum la ljang bas mdzes par byas pa'i dus dge ba la yum la gnod pa med cing [C:262]bde bar btsa' ba'i mdzad pas/ skye dgu ma lus pa yid mgu bar mdzad cing / yab kyis rig sngags 'chang ba'i dbang por 'gyur bar dgongs nas/ mtshan sngags pa zhes bya bar btags so/ /bltams nas sku skyed bskrun pa'i tshe na'ang gzhan bas gso sla la sku skyed che zhing snyung gzhi dkon pa sogs / zhabs 'bring [B:14] pa rnams ngal dub las skyob par mdzad la/ gsung byon pa'i dang por kyangyang bla ma bla ma zhes gsungs par grag go/ /byis pa'i spyod pas rtsed mo sogs mdzad pa'i tshe na'ang tha mal pa'i spyod pa dor nas/ chos khri brtsig pa dang rde'u sogs gral la bsgrigs nas dge 'dun gyi tshogs la gdugs tshod zhu ba'i tshul dang / sA tsha sogs gral la bkod nas rten gsum la mchod pa 'bul ba'i tshul dang / byis pa'i tshogs mang po bsdus pa'i dbus su nyid rang ches mtho ba'i sar bzhugs nas chos gsung ba dang yon bsngo ba'i tshul dang / rdo rtse rgyal can gang rnyed gtor ma'i tshul du bsgrigs nas/ rdo'am shing bu'i rnga la rnga yog bsnun pa'i rnam pas gdangs dbyangs dang bcas te chos skyong ba'i bsrungssrung ma mchod pa'i rnam 'gyur la